नेता झा घाइते ,दर्जनौं राउन्ड हवाइ फायर,दर्जनौं पक्राउ

सुचना डायरी–समाचारदाता
जनकपुरधाम, माघ २२ गते
प्रधानमन्त्री केपी शर्मा ओलीले संबेधानिक निकायमा असंबैधानिक नियुक्ति गरेको विरोधमा दाहाल– नेकपा समुहले आज एकदिने आमहड्ताल गरेको छ । जनकपुरधाममा बजार बन्द गराउन हिडेका प्रर्दशनकारी र प्रहरीबीच झडप भएको छ । दाहाल नेपाल समुहका नेता कार्यकर्ता र प्रहरीबीच जनकपुरधाममा झडप भएको हो । प्रहरी संगको झडपमा परी नेकपा दाहाल नेपाल समुहका स्थायी समिति सदस्य रामचन्द्र झा घाइते भएका छन ।
बजार गराउन जनकपुरधामको शिव चोक पुगेका नेता कार्यकर्ताहरुलाइ प्रहरीले अवरोध शृजना गरे पछि झडप भएको थियो । सोही क्रममा प्रहरीले गरेको लाठीचार्जबाट नेता झा घाइते भएका हुन । उनको टाउकोमा चोट लागेको नेकपा जिल्ला सचिव दीपक यादवले जानकारी दिएका छन । नेता झालाइ उपचारका लागि प्रादेशिक अस्पताल जनकपुरधाममा राखिएको छ ।
झडपको क्रममा प्रहरीले लाठीचार्ज गर्नुका साथै १ दर्जन राउन्ड हवाइ फायर समेत गरेको जिल्ला प्रहरी कार्यालय धनुषाले जनाएको छ ।
यता प्रहरीले दाहाल नेपाल समुहका दर्जनौ कार्यकर्तालाइ पक्राउ समेत गरेको छ ।