जनकपुरधाम,श्रावण २ गते
समाजमा दिन प्रतिदिन बढदै गइरहेको बाल विवाह जस्ता कुरितीलाई अन्त्य गर्ने उद्देश्यले सडक नाटक प्रदर्शन गरेको छ ।औरही गाउँपालिका धनुषाको विभिन्न वडामा कलाकारहरुले सडक नाटक प्रदर्शन गरेको हो । औरही गाउँपालिकाको सहयोगमा मिथिला नाट्यकला परिषद्का कलाकारहरुले नाटक प्रदर्शन गरेका हुन । गाउँपालिकाको विभिन्न वडामा बाल विवाह जिनगी तवाह नामक मैथिली सडक नाटक प्रदर्शन गरेको हो । नाटकमा कलाकारहरुले बालविवाह जस्ता कुरितीलाई अन्त्य गर्न २० वर्ष छोरा–छोरीको उमेर पुगेमा मात्र विवाह गर्न सन्देश पस्केका थिए । बाल विवाह अन्त्य संगै समाजका स–साना देखिएका समस्याहरुको व्यङ्गात्मक शैलीमा अभिनय गरिएको थियो ।
अहिले पनि हाम्रो समाजमा अभिभावकहरुले घरमा काम गर्ने मान्छेको संख्या बढाउन छोरोको कमै उमेरमा विवाह गरेको पाइन्छ ।
कम उमेरमा विवाह गर्दा पुण्य प्राप्ती हुन्छ भने परम्परागत विश्वास तथा दाइजो,छोरीको उमेर बढदै जाँदा दाइजोको रकम बढदै जान्छ । छोरीको कम उमेरमा विवाह गर्नुको मुख्य कारण मध्ये दाइजो पनि पर्छ भन्ने सन्देश नाटकमा कलाकारहरले देखाएको थियो । गरिवी र विभेदका कारणले छोरीको बाल विवाह भएको देखिन्छ । अभिभावक शिक्षा तथा चेतनाको कमी, यौन तथा प्रजन्न स्वास्थ्यको बारेमा जानकारी नहुँनुको कारण यस्ता समस्याहरु हुने गरेको नाटकमा सहभागी कलाकार विष्णुकान्त मिश्र सन्देश पस्केका थिए ।
बाल विवाह, बाल अधिकार,महिला अधिकार, मानब अधिकारको हनन मात्रै होइन,विकास समृद्धिको बाधक हो । तसर्थ यसको उन्मुलन गर्नुपर्ने हुन्छ । मुलुक
संघीयतामा गइसकेको अवस्थामा अब समाजबाट यस्ता कुप्रथाहरु सदाका लागी हटाउनु पर्छ । स्थानीय, प्रदेश र संघ सरकारले चाहेमा यो सम्भव छ । अन्य सरोकारबालाहरुले पनि हातेमालो गर्नुपर्छ चन्ने सन्देश नाटकमा देखाइएको थियो ।
समुदायका मानिसहरूले सामाजिक मूल्य, इज्जतका कारण वालविवाहबिरुद्ध बोल्नसकेका छैनन् ।खराब राजनीतिक अबस्थाका कारण बाल विवाह बिरुद्धका अभियान प्रभावकारी हुन सकेको छैन ।
प्रदर्शन गरिएको नाटकमा सुत्रधारको भूमिका निर्वाह गरेका विष्णुकान्त मिश्रले बाल विवाहको उन्मूलन गर्न विशेष गरी छोरीहरुको सशक्तीकरण गर्नुपर्ने हुन्छ ।बाल विवाह पुराना परम्परागत संस्कृति र जातीय व्यवस्थासँग जोडिएको विषय हो, सर्वप्रथम त्यस्ता कुसंस्कार र जातीय व्यवस्थालाई बदल्नुपर्छ ।
समुदायसँग नजिक स्थानीय सरकार रहन्छ, उसले बाल विवाह विरुद्ध अभियान सञ्चालन गर्नुपर्छ । बाल विवाह गर्ने, गराउनेलाई सामाजिक बहिस्कार गर्न सक्नुपर्छ ।
बाल विवाह र दाइजोको समस्या बढी भएको समुदायका मानिसले बिना दाइजो उमेर पुगेर विवाह गर्दा सम्मान गर्नुपर्छ भन्ने सन्देश दर्शक माझ पसकेका थिए ।
प्रदर्शन गरिएको सडक नाटकमा मदन ठाकुर रामनारायण ठाकुर,विष्णुकान्त मिश्र, गंगाकान्त झा, राम कैलाश ठाकुर, अनीतारानी मंडल, धीरज ठाकुर,अमरेश मल्लिक,आलोक मिश्र, सुनिता पासवानले अभिनय गरेको मिनापका महासचिब एवम् कार्यक्रम संयोजक शैलेन्द्र मल्लिकले जानकारी दिएका छन् ।
