कुलमानलाई नियुक्त गर्न मन्त्री भुसाललाई प्रम देउवाको निर्देशन

जनकपुरधाम,श्रावण १९ गते
नेपाल विद्युत प्राधिकरणमा कुलमान कुलमाघिसिङ्गलाई नियुक्त गर्न प्रद्यानमन्त्री शेरवहादुर देउवाले निर्देशन दिएको छ । प्रम देउवाले आज उर्जामन्त्री पम्पा भुसाललाई प्राधिकरणमा घिसिङ्गलाई नियुक्त गर्न ठाडो निर्देशन दिएको हो ।
कार्यालयको आवश्यक प्रक्रिया पुरा गरेर घिसिङ्गलाई प्राधिकरणको कार्यकारी निर्देशक नियुक्त गर्न मन्त्री भुसाललाई निर्देशन दिएको प्रम देउवाको सचिवालयले जनाएको छ । झण्डै एक वर्षअघि कार्यकाल पुरा भएपछि तत्कालीन केपी ओली सरकारले हितेन्द्रदेव शाक्यलाई प्राधिकरणको कार्यकारी बनाएर लगेको थियो । उनको काम सन्तोषजनक नभएको ठहर सहित देउवा सरकारले उनलाई हटाउने तयारी थालेको हो ।
दैनिक १४ घण्टे लोडसेडिङ अन्त्य गरेर जनतामाझ लोकप्रिय बनेका कुलमानले चार वर्षे अवधिमा लोडसेडिङ अन्त्य गर्नुका साथै प्राधिकरणको साख उचो पारेका थिए ।
त्यतिबेलै उनको पुनर्नियुक्ति हुनुपर्ने आवाज उठ्दै आएपनि ओली सरकारले नियुक्ति दिएको थिएन ।तत्कालिन ऊर्जामन्त्री जनार्दन शर्माको सिफारिसमा २०७३ भदौ २९ गतेको मन्त्रिपरिषद्को बैठकले प्राधिकरणको प्रवन्ध निर्देशकको रुपमा घिसिङको प्रवेश भएको थियो। ओली सरकारको बहिगर्मनपछि प्राधिकरणमा फेरि कुलमान आउने चर्चा चलिरहेको बेला मंगलबार देउवाले ठाडो निर्देशन नै दिएका हुन् ।