जनकपुरधाम, श्रावण २३ गते
धनुषा क्षेत्र नम्बर ३ का सांसद राजेनद्र महतोले मधेशी जनताको भावनासंग खेलबाड गर्ने अपराधीलाई मधेसी जनताले सजाय दिने बताएको छ । शनिवार जनकपुरमा अगुवा कार्यकर्ता भेलालाइृ सम्बोधन गर्दै उनले मधेशी जनताको भावना र मधेशी एकतालाई भत्काउने अपराधी भएको आरोप लगाएका छन् । पुर्व उप–प्रधान तथा शहरी विकास मन्त्री समेत रहेका नेता महतोले नेता यादवले एकतालाई भंग गरेर मधेशी जनतासंग अन्याय गरेको आरोप लगाएका हुन । नेता महतो उपेन्द्र यादव माथि आक्रोश पोख्दै भने स्वघोषित रक्षक भन्ने मधेश र मधेशीका भक्षक भएको आरोप लगाए । मधेशको ताकतलाई समेत कमजोर गर्ने क्रियाकलाप गरेको आरोप लगाउँदैं मधेशी जनताले त्यस्तालाई समयमै सजाय दिने छ। उनले विगतमा नै एकतालाई तोड्न मधेशी जनताको शक्ति कमजोर गर्न प्रयास गरेको बताउँदै गलत गर्नेलाई पहिचान गरी सजाय दिनुपर्ने तर्क राखे । नेता महतोले पार्टीभित्र अन्तरद्वन्द्व,विवाद,मतभिन्ता र वैचारिक लडाई हुनु स्वाभिक रहेको बताउँदैं पार्टीलाई नै छिन्नभिन्न पार्ने काम ठिक नभएको बताए । मधेशी एकताका लागी आफूहरु पटक–पटक प्रयास गरेको दावी गर्दै नेता महतोले मधेश र मधेशीको हक अधिकारका लागी सदैव लडिरहने उदघोष गरे । मधेशी एकता भांडने कामले मधेशीहरुको अहक अधिकार, मधेश आन्दोल, सहिद र मधेशी नागरिक प्रति ठुलो धोका भएको उनको दावी छ । वरिष्ठ नेता महतोले पार्टी फुटन सक्छ तर मधेशी जनता कदापी फुट्न सक्दैन भन्दै नेता यादवलाई चेतावनी दिएका छन् ।
