जनकपुरधाम, भादौं २६ गते
प्रत्येक वर्ष झैं यस वर्ष पनि हर्षाेउल्लासका साथ दुर्गा पुजा मनाउन लागेको छ । धनुषाको सबैला नगरपालिका वडा नं ३ स्थित श्री श्री १०८ श्री माँ दुर्गा भगवती प्रतिष्ठानको आयोजनामा यस वर्ष पनि हर्षाेल्ललासका साथ दुर्गा पुजा मनाउन लागेको हो । दुर्गा पुजा अन्तर्गत आज पुजाका लागी ध्वजा रोहन दिन प्रतिष्ठानका सचिब नथुनी यादव(हरेराम)को नेतृत्वमा बसकट्टी गरिएको छ ।
मन्दिर भन्दा २ किलोमिटर दक्षिण तर्फको चौरीबाट बसकट्टी गरिएको हो ।बसकट्टी गरेर मन्दिर बाहिर आजै स्थापना गरेको हो । दुर्गा पुजा भन्दा एक महिना पुर्व नै बसकट्टी गरेर स्थापना गर्ने यहाँको चलन रहेको प्रतिष्ठानका सचिब नथुनी यादव(हरेराम) ले बताए । उनले पुर्वजकाल देखी नै यस स्थानमा दुर्गा पुजा भव्य रुपमा हुने गरेको बताए । विधिवत रुपमा आजदेखी नै पुजा सुरु भएको जानकारी उनले दिए ।
आजैको दिन देखी मन्दिरमा दुर्गा पुजासम्म विभिन्न पुजापाठ हुने गरेको समेत उनले जानकारी गराएका हुन । यहाँको दुर्गा पुजामा मित्र राष्ट्र भारत र नेपालको विभिन्न ठाउँबाट दर्शनार्थीहरु दर्शन गर्न आउने गरेको सचिब यादवले बताए । मुख्य त सप्तमी, अष्टमी, नौवमी र दशमीका दिन विषेश भीडभाड हुने गरेको सचिव यादवले बताउँदै पुजाको अवसरमा भजन संध्यया, सांस्कृति प्रोग्राम लगायतका कार्यक्रम हुने गरेका छन् । आयोजित बसकट्टी कार्यक्रममा प्रतिष्ठानका पदाधिकारी तथा स्थानीय पुरुष र महिलाहरुको उल्लेखनीय सहभागिता रहेको थियो ।
