प्रदेश २ को स्थायी राजधानी जनकपुरधाम

जनकपुरधाम, माघ ३ गते
लामो समयको प्रयास पछि आज प्रदेश २ को स्थायी राजधानी जनकपुरधाम भएको छ । आज प्रदेश २ को प्रदेशसभाको आठौं बैठकबाट जनकपुरधाम स्थायी राजधानी भएको हो । सोमबार प्रदेशसभामा स्थायी राजधानी जनकपुरधाम र विरगंजका लागी भएको मतदानमा जनकपुरधामको पक्षमा ७८ मतदान भएको छ भने वीरगञ्जको पक्षमा २१ मतदान भएको हो । आज देखी जनकपुरधाम स्थायी राजधानी पारित भएको छ । प्रदेशसभाको बैठकमा १ सय ४ मध्ये ९९ जना प्रदेश सांसदले जनकपुरधामको पक्षमा ७८ जनाले मतदान गरेका हुन । जनकपुरधाम सहित उतरमा ढल्केवरको लोकराजमार्ग भन्दा दक्षिण, पुर्वमा कमला नदी, पश्चिममा मिथिला माध्यमिकी परिक्रमा क्षेत्र र दक्षिणमा नेपाल भारतको दशगजा सिमाना सम्म राजधानीको सिमा कायम भएको छ ।प्रदेशसभा बैठक एक घण्टाका लागि स्थागित भएको छ । आजै नामाकरण सम्बन्धि प्रस्तावमा समेत मत विभाजन गरिने प्रदेशसभा सचिवालयको तयारी छ । नाम तर्फ चारवटा प्रस्ताव मधेश, जानकी, मध्य मेधश र मिथिला भोजपुरा प्रस्तावित छ ।