श्रीमानको सपना पुरा गर्न सक्रिय राजनीतिमा आउछु

जनकपुरधाम, भादौं २६ गते
कोभिड –१९ का कारण ज्यान गुमाएका नेकपा एमालेका नेता योगनारायण यादवको श्रीमती सविता यादवले श्रीमानको सपना पुरा गर्न अब सक्रिय राजनीतिमा आउने घोषना गरेकी छन् । स्वर्गीय नेता यादवको श्रीमती सबैलाको एक कार्यक्रममा संचारकर्मीहरु संग कुरा गर्दै भनिन् श्रीमानले जनता समक्ष गरेका बाचा पुरा गर्न हामी सक्रिय राजनीतिमा आउने घोषना गरिन । उनले आफ्नो श्रीमान विकास प्रेमी नेता रहेकोले राष्ट्रको विकास र समृद्ध राष्ट्रको निर्माणको सपना पुरा गर्न म आजैका दिन देखी सक्रिय राजनीतिमा लाग्ने बताइन । विकासका सपना पुरा गर्न महसुस भएकोले अब धनुषा क्षेत्र नम्बर १ नेकपा एमाले बाट प्रत्यक्षमा उम्मेदवारी दिने घोषना गरेको हो । मलाई यस क्षेत्रका पार्टीका नेता कार्यकर्ता र जनताले साथ दिनेछ भने विश्वस्त छु ।

जसरी श्रीमान जनताको सुख र दुःखमा साथमा रहने र विकास निर्माणका कार्यलाई प्राथमिकतामा राखेर अगाडी बढियो त्यसरी नै हामी अगाडी बढ्ने बाचा गरिन ।
स्व. यादव जातपात, नाता र कृपाबादको राजनिति भन्दा सवै वर्ग र समुदायलाई संगै लिएर अगाडि बढने प्रण गरेकाले त्यसलाई अगाडि बढाउन आफु पार्टी र नेता कार्यकर्ताको अलिकती पनि भावना विपरित नजाने प्रतिवद्वता व्यक्त गरेकी छन् ।धनुषा सम्पर्क मञ्चको सदस्य र सचिव भएर काम गरेको तथा गत १५ वर्ष देखि निरन्तर जिल्ला सदस्य रहेकाले पार्टीमा आफु नयाँ नभएको पनि उनले स्पष्ट गरेकी छन् ।