अमेरिकाबाट आएका वरिष्ठ डा. साह क्यान्सर रोगीको उपचारमा

जनकपुरधाम, पुष १६ गते
‘भनिन्छ भजन गाउँने मुख भन्दा सेवा गर्ने हात पवित्र हुन्छ’ यति बेला वरिष्ठ क्यान्सर रोग विशेषज्ञ डा. विनय साह सेवामा लागेका छन् ।
अमेरिकाको एक ख्याती प्राप्त अस्पतालमा कार्यरत वरिष्ठ क्यान्सर रोग विशेषज्ञ डा.साह जनकपुरधाममा क्यान्सर रोगीहरुको उपचारमा लागि परेका छन् । अमेरिकावाट सोमवार जनकपुरधाम पुगेका डा. साहले जनकपुरधाम स्थित विनय तारा क्यान्सर सेन्टरमा विरामीहरुको चेकजाँच गरि रहेका छन् ।
उनी समय–समयमा अमेरिकावाट जनकपुरधाम आएर यहाँका क्यान्सर रोगीहरुको उपचार गर्दै आई रहेको हो । उनले त्यहाँका वरिष्ठ चिकित्सकहरुको टोली यहाँ ल्याई यहाँका रोगीहरुको उपचारमा समेत सहयोग गर्दै आई रहेका छन् । उनले यहाँवाट क्यान्सर रोगीहरु बाहिर उपचार गराउन जाँदा धेरैनै महगो पर्ने भएकाले हामीहरु यहाँ आएरनै उपचार गर्ने गरेको बताए ।
प्रदेश २ तथा भारतका विहार, उत्तरप्रदेश लगायतका स्थानहरुको विरामीहरु समेत यहाँ आउने र सहज उपचार गराउन सक्ने सुविधा सम्पन्न अस्पताल हुँदा हुदै बाहिर जाने विरामीहरु अव यहाँनै उपचार गराउने उनले विश्वास व्यक्त गरे । यहाँका रोगीहरु बाहिर जाँदा समयका साथै बढि खर्च आउने भएका कारण विनयतारा क्यान्सर सेन्टर स्थापना गरिएको उनको भनाई छ ।
विनयतारा क्यान्सर सेन्टरले विगत देखिनै यहाँका क्यान्सर रोगीहरुलाई अत्याधुनिक मेसिनहरुद्वारा वरिष्ठ विशेषज्ञहरुवाट रोगीहरुको उपचार गराउँदै आएको छ । विनयतारा क्यान्सर सेन्टरलाई २ सय वेडको अस्पतालको रुपमा विस्तार समेत छिट्टै गरिने डा. साहले जानकारी दिए ।